Ang mga EX GIRLFRIEND

You only call me when you’re down
You only call me when you’re down
You only call me when you’re down
You only call me when you’re down
— Bush, “X-Girlfriend”

Bakit kaya ganun, no. Anlabo talaga ng mga ex-girlfriend. Maniwala kayo, dumaan din naman ako sa ganyan no. Alam mo yun, kunwari ikaw yung ex-girlfriend. Tapos narinig mong may bago nang girlfriend yung ex-boyfriend mo. Tapos ikaw wala pa, single ka pa din. Di ba medyo feeling olats ka nun. Hindi naman kasi sa ibig sabihin mahal mo pa yung ex mo or whatever, hindi naman laging ganon kasi yung situation. Yung overall feeling lang kasi na, ayun masaya na ulit yung ex mo, may ka-holding hands siya ulit, chuchu. Tapos ikaw, wala pa din, naghihintay pa din na tamaan ka ni Kupido. Or tinamaan ka na pero yung kabila hindi pa din. Or something. Basta. Whatever. Ang point e, pag ex-girlfriend ka at yung ex mo e meron nang bagong chickabebs, ehe, grabe. Dramaturgy kung dramaturgy. Lahat ng kadramahang nag-ooverflow sa lahat ng telenovela ngayon sa TV, walang binatbat sa combination ng self-pity, insecurity, lunacy at cunning na ike-credit mo ang sarili mo for having.

Buti nga mge ex ko, sobrang casual nmen, pakamu-kamusta na lang ang mga tirada tpos wla na ulit. Yung ex ng ex ko, habang kami pa nung ex kong yun, tatawag ba naman at papapuntahin ko yung (then) boyfriend ko sa bahay nila para bumisita sa nanay nung girl. Bisita, my ass! Ano ako tanga? Tapos laging bumibisita , laging pinupuntahan yung ex ko. Magyayayang mag-dinner. Syempre hindi ako kasama. Sino nga ba naman ako, hamak na girlfriend lang naman. Pero syempre go, hindi naman ako mag-aacting na overjealous girlfriend di ba. Sige punta ka dun, samahan mo ex mo. OK lang, magnanimous girlfriend kuno. Maya-maya break na kami. Hahaha. Natuwa siguro ang gaga. Nangyari din yung gusto niyang mangyari. Napag-hiwalay din kami.

Pero palagay ko hindi naman yun sinadya, syempre hindi na naman kasi ako bitter di ba. Ang iniisip ko lang, nung una ding nagka-girlfriend yung ex ko, tapos ako naman yung unattached pa, medyo nawindang din ako e. Parang di ako makapaniwala na yung ex ko masaya na ulit, may bounce na ulit sa step niya. Halong envy sa kanya dahil may nagmamahal ulit sa kanya na mahal din siya, at disappointment na hindi pa yun nangyayari sa akin, at awe na parang, wow ex ko ba ito? Parang ibang tao siya a! Hindi na siya yung kilala ko dati! At higit sa lahat, ang pinakamatimbang sa tingin ko, ang ego-shattering realization na hindi na siya sa iyo, sa ibang tao na siya, hindi ka na ganon ka-importante tulad ng dati.

Oo, hindi na nga kayo nagmamahalan, for example. Kunwari ganon, magkaibigan na lang talaga kayo (kasi kung papag-usapan pa natin yung case na apektado ka talaga dahil mahal mo pa yung ex mo, naku, talo ka na dyan, talo!). Siyempre nag-uusap pa din kayo. Kwento-kwento tungkol sa buhay, sa mga kamag-anak, sa ginagawa ng isa’t isa. Tapos biglang isang araw sabi niya may girlfriend na siya ulit. Ewan ko, there’s something primal in that situation. Asserting your territory to an extent. Kasi pwede mong tignan na ganon e, territorial na hayop kasi ang tao e. For a period of time, “territory” mo yung ex mo (how’s that for a sexist remark, treating ex-boyfriends like pieces of real estate, LOL), ikaw yung nag-aalaga, ikaw yung nag-aasikaso. Tapos ngayon iba na, hindi na pwedeng ikaw. Kahit ikaw yung gumagawa nun nung hindi na kayo. Wala na, iba na talaga.

Yung mga marks of territory nila sa isa’t isa, yun yung mga bagay comprising their collective couplehood memories.

May tendency lang siguro ang mga ex-girlfriend na mas mag-overreact pag nasa ganyan sitwasyon. Feeling mo inaagawan ka ng mundo ng kakampi. Feeling mo pinapag-tripan ka ng tadhana. Pero hindi naman kasi yun yung point eh. Ang point eh ito:

Kung ano yung meron kayo dati ng ex mo, ganon na lang yun. Hanggang dun na lang kayo. Tutal, wala namang makakaagaw ng lahat ng memories niyo ng isa’t isa eh. Hindi naman yun mawawala. Pero kahit sabihin mo na magkaibigan naman kayo, at isipin mo man na importante ka pa sa kanya, oo totoo nga ito, pero hindi tulad ng dati. Hindi talaga. Kaya wag mo nang pilitin, wag mo nang i-assert yung sarili mo, mukha ka lang tanga. Kung gusto kang kwentuhan ng ex mong may bagong girlfriend, hintayin mong lumapit. Wag mong unahan, nahahalatang apektado ka. Hindi na uso ngayon ang pa-martir effect. Hindi na din gumagana ang reverse psychology. Tanggapin mo na, sa ibang tao na siya. Tapos na ang era niyo.

Want to know something funny? Madalang na nangyayari ito sa lalaki, na yung guy yung nangungulit dahil may bagong boyfriend na yung ex niya. Ang mga lalaki kasi, pag nalalagay sa awkward situation na ganyan, kusa na silang lumalayo. O di ba, para klaro ang mga linya.

E tayong mga babae, masyado talaga tayong madrama. Maghahanap ng kung anu-anong dahilan para lang ma-remind ang ex na, hoy natatandaan mo ba ako? Girlfriend mo dati? Idadaan kunwari sa pagsoli ng mga hiniram na t-shirt, o sa pagbigay ng Christmas gift na napag-usapan habang sila pa. Ang gusto lang naman talaga sabihin e, Gago ka porket may bago ka nang girlfriend wag mo akong kakalimutan bwiset! Bakit ikaw may bago ka na, ako miserable pa din?! Natatandaan mo ba tayo dati, ganyan din tayo dati, kung pano kayo ng bagong girlfriend mo ngayon…

Ang kulit kasi, sabi na ngang wala namang makaka-erase ng pinagsamahan ninyo ever. May lugar ka na sa history ng ex-boyfriend mo, parang si Erap may lugar sa listahan ng mga naging presidente ng Pilipinas. Hahaha. Pero seryoso nga, totoo.

Ngayon, ang problema na lang e kung gaano kahanda yung bagong girlfriend ng ex mo na tanggapin ka as historical fact. Kung hindi, naku, yan ang pinagmumulan ng psycho-b*tch girlfriend from hell… Ibang kwento na yun…